Thumbnail

ნახეთ: ფრედი მერკურის უკანასკნელი ფოტოები

მარიამ ნამგალაძე პროფილის ფოტო
მარიამ ნამგალაძე

ლეგენდარული ბრიტანული ჯგუფის, Queen-ის ფრონტმენი, ფრედი მერკური პუბლიკის წინაშე უკანასკნელად 1990 წელს ლონდონში Brit Awards-ის დაჯილდოებაზე გამოჩნდა, როცა მისი ჯანმრთელობის მდგომარეობა უკვე მკვეთრად იყო გაუარესებული. ამის შემდეგ ის სულ უფრო იშვიათად ტოვებდა კენსინგტონის რეზიდენციას, სიცოცხლის ბოლო თვეებს კი ძირითადად საწოლში ატარებდა. ერთ-ერთი გამონაკლისი იყო 1991 წლის 28 აგვისტო, როცა ფრედიმ თავი დამოუკიდებლად მოიწესრიგა და ბაღშიც დახმარების გარეშე ჩავიდა, სადაც პარტნიორი, ჯიმ ჰატონი ეგულებოდა.

ფრედი მერკურის უკანასკნელი თხოვნა სიკვდილამდე რამდენიმე დღით ადრე

სწორედ ამ დღეს არის გადაღებული თაყვანისმცემლებისთვის კარგად ცნობილი ფრედის უკანასკნელი ფოტოები.

"იმ ზაფხულს ფრედიმ კამერის წინ უკანასკნელად იპოზიორა - ეს ჩემი ფოტოაპარატი იყო. ბაღში ყვავილებს ვუღებდი სურათებს, როცა ის მომიახლოვდა. ობიექტივი გავასწორე, მან კი უკან დაიხია, რომ ახლო კადრი არ გამოსულიყო. რამდენიმე ფოტო გადავუღე, ყველა მათგანში მოახერხა გაღიმება. იცოდა, რომ საუკეთესო ფორმაში არ იყო - ფერმკრთალი და ძალაგამოცლილი. მისი სურათებიდან სწორედ ესენი მიყვარს ყველაზე მეტად", - ციტირებს ჯიმის სიტყვებს ინსტაგრამ გვერდი freddiemercuryclub.

View this post on Instagram

On August 28th 1991, exactly 28 years ago today, Jim Hutton took these photos of Freddie at Garden Lodge 📷...his last ever known photographs 😞 . "That summer Freddie posed for a camera for the very last time - mine. It happened like this. I was out in the garden photographing some of the flowers in full bloom and Freddie walked towards me. I trained the lens on - he wanted to move back a bit so it wasn't a close-up. Then he posed while I took four pictures, and he managed a smile for each. He was so pale and drawn that he knew he didn't look his best, but it didn't matter a bit; of all the pictures I have of Freddie, those are the ones I love most." -Jim Hutton . 👉P.S. Seeing these photos and reading those words by Jim always pains me beyond words... but I share them not to focus on his illness (please don't do that) but to show how he always saw the beauty in every moment and his smile and bravery never waverd.... I love the fact that a cat (who looks like Oscar) is standing next to Freddie and I'd like to think he was having a good time amidst the bloom of the flowers of his beautiful garden...🌸 But most importantly, despite the sadness, I'm still in awe and admiration for Freddie and his superhuman courage to face life head on and muster a smile even through his hardest moments. His smile always stayed on and in that way he even mocked his illness. My hero...💪 This man is a source of inspiration on so many levels and I love him for that... ❤ . #FreddieMercury #lastphoto

A post shared by Freddie Mercury (@freddiemercuryclub) on

ზოგიერთი წყაროს მიხედვით კი, უკანასკნელი სურათი, რომელზეც მუსიკოსია აღბეჭდილი, ამავე წლის 3 სექტემბერს პაპარაცის მიერ გადაღებული კადრია. ფოტოზე ფრედი საკუთარი სახლის მახლობლად არის აღბეჭდილი.

მუსიკოსი 1991 წლის 24 ნოემბერს შიდსის ფონზე განვითარებული ბრონქიალური პნევმონიით გარდაიცვალა. მან სიკვდილამდე ერთი დღით ადრე საჯაროდ, განცხადებით გაამხილა საკუთარი დიაგნოზი.

ფრედი მერკურიმ მუსიკალური კარიერა 1969 წელს დაიწყო. ის საზოგადოებამ ჯგუფ Queen-ში მოღვაწეობით გაიცნო. გამორჩეული ვოკალური მონაცემების მქონე შემსრულებელი ისეთი ჰიტების ავტორია, როგორებიცაა: Bohemian Rhapsody, Killer Queen, Somebody to Love, Don't Stop Me Now, We Are the Champions და Crazy Little Thing Called Love. გამოცემა Rolling Stone-მა 2008 წელს ის ყველა დროის საუკეთესო მომღერლებს შორის დაასახელა.

კომენტარები

ბოლოს დამატებული